*7700 ƏCZAÇILIQ PORTALI
 
AZ RU EN
 
  • *7700 TƏCİLİ DƏRMAN ÇATDIRILMASI XİDMƏTİ VƏ MƏLUMAT MƏRKƏZİ21-ci AZƏRBAYCAN BEYNƏLXALQ SƏHİYYƏ SƏRGİSİ  
*7700 TƏCİLİ DƏRMAN ÇATDIRILMASI XİDMƏTİ VƏ MƏLUMAT MƏRKƏZİ1
Apteklər Aptek axtarışı Onlayn sifariş Vahid qiymətli dərmanlar Şirkət müraciətləri
 
Dayaq hərəkət sistemi » Dona ampula
Sual ver
  Təcili sifariş A+ A-

Tərkibi:

A məhlulu: 2 ml  məhlulun (1 ampul) tərkibində

Təsiredici maddə: 502.5 mq (tərkibi 400 mq qlükozamin-sulfat və 102.5 mq natrium-xlorid) kristallik qlükozamin-sulfat vardır.

Köməkçi maddələr: lidokain-hidroxlorid 10 mq, inyeksiya üçün su 2 ml-ə qədər

B məhlulu: 1 ml məhlulun (1 ampul) tərkibinə daxildir:

Köməkçi maddələr: dietanolamin, inyeksiya üçün su.

Təsviri:

A məhlulu şəffaf, rəngsiz və ya zəif-sarı rəngli maye, B məhlulu şəffaf, rəngsiz maye; A məhlul və B məhlul birlikdə zəif-sarı rəngli şəffaf maye.

Farmakoterapevtik qrupu:

Qeyri-steroid iltihabəleyhinə və revmatizməleyhinə vasitə

ATC kodu: MO1AXO5

Farmakoloji xüsusiyyətləri:

Dona-iltihabəleyhinə dərman vasitəsi olub, endogen qlükozamin çatışmazlığını aradan qaldırır, sinovial mayenin tərkibinə daxil olan proteoqlikan və hialuron turşusunun sintezini stimullaşdırır; oynaq kapsulunun keçiriciliyini artırır, sinovial membran və oynaq qığırdağı hüceyrələrində fermentativ prosesləri bərpa edir. Xondroitin sulfatın sintezi prosesində kükürdün fiksasiyasına şərait yaradır, sümük toxumasında kalsiumun normal toplanmasını asanlaşdırır, oynaq ağrılarını azaldaraq oynaqlarda degenerativ proseslərin inkişafını ləngidir, oynaq ağrılarını azaltmaqla onların funksiyasını bərpa edir.

Farmakokinetikası:

Əzələdaxili yeridildikdə biomənimsənilməsi 95%-dir, toxumalarda tez paylanır, yarımparçalanma dövrü 60 saata qədərdir, əsasən böyrəklər vasitəsilə xaric olunur.

İstifadəsinə göstərişlər:

Birincili və ikincili artritlərin simptomatik müalicəsi

Əks-göstərişlər:

Qlükozaminə, lidokain-hidroxloridə və preparatın hər hansı digər kompanentinə qarşı fərdi hiperhəssaslıq. Preparatın təribinə lidokain daxil olduğu üçün ürək keçiriciliyinin pozğunluqları və kəskin ürək çatışmazlığı, anamnezində epilepsiyayabənzər qıcolmalar, qaraciyər və böyrək  funksiyalarının ağır pozğunluqları olan xəstələrə; hamiləlik və laktasiya dövründə olan qadınlara,eləcə də 12 yaşadək uşaqlara əks-göstəriş hesab edilir

Digər dərman vasitələri ilə qarşılıqlı təsiri:

Qeyri-steroid iltihabəleyhinə preparatlarla, parasetamolla və qlükokortikosteroidlərlə birgə istifadəsi mümkündür. İnyeksiyaları təyin edərkən preparatın beta-adrenoblokatorlarla, diqitoksinlə, aymalinlə, amiodoronla, verapamillə, xinidinlə, novokainamidlə, natrium heksenal və ya tiopentalla, MAO inhibitorları ilə, polimiksin B ilə, yuxugətiricilərlə və ya sedativ vasitələrlə, simetidinlə birlikdə istifadəsi zamanı ehtiyatlı olmaq lazımdır.

Ehtiyat tədbirləri:

Qlükozaya tolerantlığı pozulmuş, böyrək və qaraciyər çatışmazlığı olan xəstələrdə həkimin nəzarəti altında istifadə olunmalıdır.

Xəbərdarlıq:

Xroniki ürək çatışmazlığı, arterial hipotoniyası olan xəstələr preparatın istifadəsi zamanı ehtiyatlı olmalıdırlar.

Dəniz məhsullarına qarşı allergiyası olan xəstələrdə ehtiyatla tətbiq olunmalıdır.

İstifadə qaydası və dozası:

ƏZƏLƏ DAXİLİNƏ! Preparat venadaxili yeridilmə üçün nəzərdə tutulmayıb.

İstifadədən əvvəl B məhlulunun(həlledici) A məhlulun(preparatın məhlulu) ilə eyni şprisdə qarışdırın.nHazırlanmış preparat məhlulu 4-6 həftə müddətində həftədə 3 dəfə 3 ml (A+B məhlulları) olmaqla əzələ daxilinə yeridilir. Preparatın inyeksiyalarını daxilə qəbul edilən məhlulun hazırlanması üçün nəzərdə tutulmuş toz halında preparatın daxilə qəbul edilməsi ilə uyğunlaşdırmaq olar.

Müalicənin davamiyyətini və sxemini həkim təyin etməlidir.

Əlavə təsirləri

Preparat ümumiyyətlə yaxşı tolerantlığa malikdir. Ayrı-ayrı hallarda meteorizm, diareya, qəbizlik, allergik reaksiyalar-övrə, qaşınma mümkündür. Preparatın tərkibində lidokain olduğundan ürəkbulanma, qusma, süstlük, diplopiya, başağrısı, başgicəllənmə, dilin və ağızın selikliqişasının keyləşməsi, tremor, eyforiya, dezoriyentasiya, ürək keçiriciliyinin pozulması da müşahidə oluna bilər.

Doza həddinin aşılması:

Doza həddinin aşılması halları qeyd edilməyib.

Buraxılış forması:

Daxilində 400 mq/2 ml məhlul olan əzələ daxilinə yeridilmək üçün nəzərdə tutulmuş 2 ml-lik A ampullar, içərisində həlledici olan 1 ml-lik B ampullarla dəst şəklində. Hərəsindən 6 ampul olmaqla, A və B məhlulları, içlik vərəqəsi ilə birlikdə karton qutuyaqablaşdırılır

Saxlanma şəraiti:

25 °C-dən yuxarı olmayan temperaturda və uşaqların əli çatmayan yerdə saxlamaq lazımdır.

Yararlılıq müddəti:

2 il.Yararlılıq müddəti bitdikdən sonra istifadə etmək olmaz.

Aptekdən buraxılma şərti:

Resept əsasında buraxılır.

Lisenziya sahibi:

ROTTAPHARM S.p.A.

Galleria Unione 5, 20122, Milan, İtalya

İstehsalçı:

Biologici İtalya Laboratoriz S.r.L.,,  İtaliya.

Baxılma sayı: 990 dəfə
 
SUAL CAVAB
 
  
SAYTA DAXİL OL
 
Qeydiyyat Şifrəmi unutdum
 



   

© 2014-2015. Bütün hüquqlar qorunur..