*7700 ƏCZAÇILIQ PORTALI
 
AZ RU EN
 
  • Kanon aptekDəstək, Güvən, Şəvqət
  • Aptekonline.azSağlamlıq və rahatlıq mənbəyi
  • Dərman çatdırılma xidməti*7700 telefon nömrəsinə zəng etməklə və ya +994552517700 nömrəsinin whatsappna yazmaqla sifariş edə bilərsiniz.
  • Zəfəran AptekSağlamlığınızın etibarlı tərəfdaşı
Apteklər Aptek axtarışı Onlayn sifariş Vahid qiymətli dərmanlar Şirkət müraciətləri
 
Altabs
Sual ver
  Təcili sifariş A+ A-

ALTABS tablet

Altabs

 

Beynəlxalq patentləşdirilməmiş adı: Levocetirizine

 

Tərkibi

Təsiredici maddələr: 1 tabletin tərkibində 5 mq levosetirizin-dihidroxlorid vardır.

Köməkçi maddələr: laktoza monohidrat, mikrokristallik sellüloza, titan dioksidi, povidon K 25, kolloid xassəli dioksid silisium, natrium kroskarmeloza, maqnezium-stearat, hidroksipropilmetilselluloza (HPMC), makroqol (PEG 6000).

 

Təsviri

Ağ, oval, ikitərəfi qabarıq, örtüklü  tabletlər. Tabletin bir üzündə “LS” loqosu həkk olunmuşdur.

 

 

Farmakoterapevtik qrupu

Allergiya əleyhinə dərman vasitəsi. H1-histamin reseptorlarının blokatoru.

 

Kod ATC: R06AE08

Farmakoloji xüsusiyyətləri

 

Farmakodinamikası

Preparatın təsiredici maddəsi – levosetirizin setirizinin R-enantiomeri olub, histaminin rəqabət zəminində antaqonistləri qrupuna aiddir, H1-histamin reseptorlarını blokadaya alır. H1-histamin reseptorlarına yaxınlığı levosetirizində setirizinə nisbətən 2 dəfə artıqdır. Levosetirizin allergik reaksiyaların histamindən asılı mərhələsinə təsir göstərir, eozinofillərin miqrasiyasını, damar keçiriciliyini azaldır, iltihab mediatorlarının azad olmasını məhdudlaşdırır. Allergik reaksiyaların qarşısını alır və gedişatını yüngülləşdirir, antieksudativ, qaşınma əleyhinə təsirlərə malikdir. Praktiki olaraq antixolinergik və antiserotonin təsir göstərmir. Müalicəvi dozalarda praktiki olaraq sedativ təsir göstərmir.


Farmakokinetikası

Levosetirizinin farmakokinetik parametrləri setirizinin farmakokinetikasından praktiki olaraq fərqlənmir.
Sorulması. Daxilə qəbulundan sonra preparat MBT-dan tez sorulur. Qida qəbulu preparatın sorulma sürətini azaldır. Böyüklərdə müalicəvi dozanın (5mq) birdəfəlik qəbulundan sonra preparatın qan plazmasında maksimal konsentrasiyası (Cmax.) 0,9 saatdan sonra qeyd olunur və 270 nq/ml təşkil edir. 5 mq/gün dozanın təkrar qəbulundan sonra isə – 308 nq/ml təşkil edir. Konsentrasiyanın sabit səviyyəsi 2 gündən sonra qeyd olunur.
Paylanması. Qan plazmasının zülalları ilə levosetirizin 90% birləşir. Paylanma həcmi (Vd) 0,4 l/kq təşkil edir. Biomənimsənilməsi - 100%.
Metabolizm. Az miqdarda (<14%) N- və O-dealkilləşdirici yolla farmakoloji qeyri-aktiv metabolitin əmələ gəlməsi ilə (digər H1-reseptorların antoqonistlərindən fərqli olaraq) qaraciyərdə metabolizmə məruz qalır. Metabolizmin aşağı səviyyəsinə görə və metabolik potensialın olmadığı üçün levosetirizinin digər dərman preparatları ilə qarşılıqlı təsiri cüzidir.
Xaric olması. Böyüklərdə yarımxaricolma dövrü (T1/2) 7,9±1,9 saat təşkil edir; azyaşlı uşaqlarda T1/2 qısadır. Böyüklərdə ümumi klirens 0,63 ml/dəq/kq təşkil edir. Preparatın qəbul olunan dozasının təxminən 85,4 %-i dəyişilməmiş şəkildə yumaqcıq filtrasiyası və kanal sekresiyası vasitəsilə böyrəklərlə xaric olur; təxminən 12,9 %-i – bağırsaqlarla. Böyrək funksiyasının pozğunluğu olan xəstələrdə (KK 40 ml/dəq-dən aşağı) preparatın klirensi azalır, T1/2 uzanır (hemodializdə olan xəstələrdə ümumi klirens 80 % azalır), bu isə dozalanma rejiminin müvafiq korreksiyasını tələb edir. Levosetirizinin 10%-i standart 4 saatlıq hemodializ zamanı xaric olur.

İstifadəsinə göstərişlər

İl boyu davam edən (persistəedici) və mövsümi (intermittəedici) allergik rinit, allergik konyunktivit zamanı simptomların (qaşınma, asqırma, rinoreya, göz yaşının axması, konyunktival hiperemiyanın) müalicəsi;

Pollinoz (ot qızdırması);

Övrə, həmçinin xroniki idiopatik övrə, Kvinke ödemi;

Qaşınma və səpgilərlə müşayiət olunan digər allergik dermatozlar.

Əks göstərişlər

Preparatın hər hansı komponentinə qarşı və ya piperazin törəmələrinə qarşı hiperhəssaslıq;

Böyrək çatışmazlığının terminal mərhələsi (KK<10 ml/dəq);

2  yaşa qədər uşaqlar (preparatın təhlükəsizliyi və effektivliyi haqqında məlumat məhdud olduğu üçün);

Hamiləlik və laktasiya dövrü (preparatın təhlükəsizliyi və effektivliyi haqqında məlumat olmadığı üçün);

 

Ehtiyat tədbirləri

Xroniki böyrək çatışmazlığı (dozalanma rejiminin korreksiyası tələb olunur);

Yaşlı xəstələr (yumaqcıq filtrasiyası aşağı enə bilər).

 

Xüsusi göstərişlər

Alkoqolla birgə istifadə zamanı ehtiyatlı olmaq lazımdır.

 

Nəqliyyat vasitələrini və potensial təhlükəli mexanizmləri idarəetmə qabiliyyətinə təsiri

Nəqliyyat vasitələrini və potensial təhlükəli mexanizmləri idarəetmə qabiliyyətinə tövsiyə olunan 5 mq dozada istifadə zamanı hər hansı xoşagəlməz əlamət aşkar olunmayıb, lakin buna baxmayaraq yüksək diqqət və sürətli psixomotor reaksiya tələb edən potensial təhlükəli fəaliyyət növlərindən qaçmaq məsləhət görülür

Digər dərman vasitələri ilə qarşılıqlı təsiri

Levosetirizinin digər dərman preparatları ilə qarşılıqlı təsiri tədqiq edilməyib. Rasemat setirizinin psevdoefedrin, simetidin, ketokonazol, eritromisin, azitromisin, qlipizid və diazepam ilə qarşılıqlı təsirinin tədqiqi zamanı klinik əhəmiyyət daşıyan xoşagəlməz qarşılıqlı təsiri aşkar olunmayıb.
Teofillin ilə (400 mq/gün) birgə istifadəsi zamanı levosetirizinin ümumi klirensi 16% azalır (teofillinin kinetikası dəyişmir).
Bir sıra hallarda levosetirizin alkoqol ilə və ya MSS-nə tormozlayıcı təsir göstərən dərman preparatları ilə birgə istifadəsi zamanı onların təsiri güclənə bilər, baxmayaraq ki, rasemat setirizinin alkoqolun təsirini potensiallaşdırması sübut olunmamışdır.

İstifadə qaydası və dozası

Preparat qida ilə və ya qida qəbulundan əvvəl daxilə az miqdarda su ilə, çeynənilmədən qəbul edilir.

6 yaşdan yuxarı uşaqlar və böyüklər: sutkalıq doza 5 mq.
2-6 yaşlı uşaqlar: gündə 2 dəfə 1,25 mq sutkalıq doza 2,5 mq.
Preparatın orqanizmdən böyrəklər vasitəsilə xaric olmasını nəzərə alaraq böyrək çatışmazlığı olan xəstələrə və yaşlı pasiyentlərə preparatın dozası KK dərəcəsindən asılı olaraq korreksiya edilməlidir.
Zərdab kreatininin konsentrasiyasını nəzərə alaraq kişilər üçün KK aşağıda göstərilən formul üzrə hesablanır:

                        bədən kütləsi (kq)  x (140 – yaş)
KK (ml/dəq) = ———————————————
                                   72 x KK zərd. (mq/dl)

 

Alınan nəticəni 0,85 əmsalına vuraraq, qadınlar üçün KK hesablanır.

 

 

Böyrək çatışmazlığı

KK(ml/dəq)

Dozalanması

Norma

>80

Gündə bir dəfə 5 mq

Yüngül

50-79

Gündə bir dəfə 5 mq

Orta

30-49

2 gündən bir 5 mq

Ağır

<30

3 gündən bir 5 mq

Terminal mərhələ-dializdə olan xəstələr

<10

Preparatın qəbulu əks göstərişdir

Alınan nəticəni 0,85 əmsalına vuraraq, qadınlar üçün KK hesablanır.

Böyrək və qaraciyər çatışmazlığı olan pasiyentlərə dozanın seçilməsi yuxarıda göstərilən cədvəl üzrə aparılır. Yalnız qaraciyər funksiyasının pozğunluqları olan xəstələrə dozalanma rejiminin korreksiyası tələb olunmur.
Preparatın istifadəsinin müddəti xəstəlikdən asılıdır. Pollinozun müalicəsi üçün preparat 1-6 həftə ərzində təyin edilir. Xroniki xəstəliklərdə (il boyu davam edən rinit, atopik dermatit) müalicənin müddəti 18 aya qədər artırıla bilər.

Əlavə təsirləri

Mümkün olan əlavə effektləri orqanizmin sistemləri üzrə və əmələ gəlmə tezliyinə görə aşağıdakı kimi təsnif edilir: tez-tez (≥1/100 və 1/10), nadir hallarda (≥1/1000 və <1/100), çox nadir hallarda (<1/10000).

İmmun sistemi tərəfindən

Çox nadir hallarda: hiperhəssaslıq, həmçinin anafilaktik reaksiyalar.
Sinir sistemi tərəfindən

Tez-tez: başağrısı. Nadir hallarda: yuxululuq. Çox nadir hallarda: oyanma, hallusinasiyalar, depressiya, qıcolmalar.
Hiss orqanları tərəfindən

Çox nadir hallarda: görmə qabiliyyətinin pozğunluqları.

Ürək-damar sistemi tərəfindən
Çox nadir hallarda: taxikardiya

Tənəffüs sistemi tərəfindən

Çox nadir hallarda: dispnoe.
Həzm sistemi tərəfindən

Tez-tez: ağızda quruluq. Nadir hallarda: abdominal ağrılar. Çox nadir hallarda: ürəkbulanma, diareya.

Qaraciyər və ödçıxarıcı yollar tərəfindən

Çox nadir hallarda: hepatit.

Dəri və dərialtı toxumalar tərəfindən

Çox nadir hallarda: angionevrotik ödem, qaşınma, səpgi, övrə.

Dayaq-hərəkət sistemi tərəfindən

Çox nadir hallarda: mialgiya
Maddələr mübadiləsinə təsiri

Çox nadir hallarda: bədən kütləsinin artması
Laborator göstəricilərə təsiri 

Çox nadir hallarda: qaraciyər funksional sınaqlarının nəticələrinin dəyişməsi

Doza həddinin aşılması

Simptomları: böyüklərdə – yuxululuq, uşaqlarda – oyanma, həyacanlı hal, sonra isə yuxululuq.
Müalicəsi: mədənin yuyulması, aktivləşdirilmiş kömürün qəbulu, simptomatik və dəstəkləyici müalicə. Spesifik antidotu yoxdur. Hemodializ effektsizdir.

Buraxılış forması

20 örtüklü tablet. 2 blister hərəsində 10 tablet olmaqla içlik vərəqə ilə birlikdə karton qutuya qablaşdırılır.

 

Saxlanma şəraiti

25ºC-dən yüksək olmayan temperaturda, quru, qaranlıq və uşaqların əli çatmayan yerdə saxlamaq lazımdır.

Yararlılıq müddəti

Yararlılıq müddəti qablaşdırıldığı qutunun üzərində göstərilmişdir. Yararlılıq müddəti bitdikdən sonra istifadə olunmamalıdır.

 

Aptekdən buraxılma şərti

Resept əsasında buraxılır.

 

Qeydiyyat vərəqəsi olan sahibkarın adı və ünvanı:

Santa farma İlaç Sanayii A.Ş.

34382 Şişli-İstanbul/Türkiyə

 

İstehsalçının adı və ünvanı:

Santa farma İlaç Sanayii A.Ş.

Gebkim 41455 Dilovası-Kocaeli /Türkiyə

 

 


Baxılma sayı: 337 dəfə
 
SUAL CAVAB
 
  
SAYTA DAXİL OL
 
Qeydiyyat Şifrəmi unutdum
 



   

© 2014-2015. Azeri Med LLC . Bütün hüquqlar qorunur..