Gözyaşı kanalının tutulması və ya tıxanıqlığı oftalmoloji patologiyadır və göz bəbəyinin normal təmizlənmə prosesinin, konyuktivanın və buynuz qişanın gözyaşı mayesi ilə nəmlənməsinin pozulmasıdır. Bu müxtəlif səbəblərdən baş verə bilər: anadangəlmə inkişaf etməmiş kanallara görə, yaşla əlaqədar olaraq, infeksiya və iltihab, üzün zədələnməsi və travması, şiş və digər səbəblərdən. Göz yaşı yolları göz qapaqlarının iç tərəfində 2 dəliklə başlayır, göz yaşı kisəsini əmələ gətirir və incə bir kanalın köməyilə burun boşluğuna açılır. Gözyaşının vəzifəsi gözü yad cisimlərdən qorumaq, gözün sağlamlığını qorumaq üçün lazım olan şəffaflığı, sürüşkənliyi təmin etmək və gözü qidalandırmaqdır. Gözün ön tərəfi davamlı olaraq gözyaşı ilə yuyulur. Bu yuyulma nəticəsində göz önündə olan zərərli maddələr əvvəl buruna sonra da boğaza axır. Bu kanallarda olan hər hansı tıxanıqlıq tutulmaya səbəb olur. Xəstənin ilkin vaxtlar yalnız soyuq havada olan göz sulanması daha sonra davamlı hala gəlir.

Yenidoğulmuşlarda bu problem həyatlarının birinci ilində keçib gedir. Lakin bəzən müalicə etmək lazım gəlir. İlkin üsul dilatasiya, zondlama və yumadır. Dilatasiya kanalın ehtiyatla genişləndirilməsidir. Əgər bu üsul kömək etməzsə, hekim oftalmoloq genişləndirici zonddan istifadə edir.

Böyüklərdə gözyaşı kanalının tutulması və ya tıxanıqlığı daralmanın və ya digər problemlərin olduğunu göstərir. Müalicənin ilkin etapı yenidoğulmuşlarda olduğu kimidir: genişləndirmə, zondlama, yuma.

Göz yaşı kanallarının tutulmasının simptomları:

Sulanan gözlər və ya həddən artıq göz yaşarması;

Təkrar infeksiya və iltihablaşma;

Seliyin yığılması və ya ifrazı;

Gözün küncündə əmələ gələn ağrı və ya şişkinlik;

Bulanıq görmə;

Qanlı göz yaşları;