Su insanın sağlam və gözəl qalması üçün ən vacib ehtiyaclardan biridir. Son dövrlər insanlar nəmləndirmə üçün daha çox kosmetik vasitələrdən istifadə etməyə başlayıblar. Müxtəlif üz maskaları, zərdablar və s. kosmetik vasitələr dərini müvəqqəti olaraq nəmləndirirlər. Dərinin, ümumiyyətlə orqanizmin sağlamlığının, gözəlliyinin qorunması üçün ən vacib faktor olan suyu isə unuduruq.

Həyatın əsas elementinin su olduğunu bilsələr də, insanlar hələ də ondan lazımı miqdarda istifadə etmirlər. Elmi araşdırmalara görə insan orqanizminə hər gün 50-70% su tələb olunur. Son dövrlərdəki inkişaf tempinə görə insanlar bəzən öz qeydlərinə qalmağı yaddan çıxarırlar. Özünün qayğısına qalmaq hər bir insanın əsas prioriteti olmalıdır. Çünki insanın özünə qayğı göstərməsi şəxsiyyətinin inkişafı ilə birbaşa bağlıdır. Müasir dövrdə məşğul olduğunuz sənət üçün təhsil və istedadla yanaşı şəxsiyyət də az əhəmiyyət kəsb etmir.

Dərini sağlam, gözəl, sakit vəziyyətdə saxlamaq üçün suyun rolunun əhəmiyyətini qiymətləndirmək lazımdır. Bundan başqa bədənimizdə olan toksik maddələr məhz su ilə orqanizmdən çıxırlar. Bu bizim qan təzyiqimizi normada saxlamağa kömək edir. Həmçinin su bizim dərimizə sağlam parlaqlıq verir və teksturanı yaxşılaşdırır. Həzm sistemini gücləndirir, normaya salır, çapıqları aradan götürür və sızanaqların əmələ gəlməsinin qarşısını alır.

Bəzi faktları isə yaddan çıxarmaq olmaz:

Su nəinki dərini gözəl və sağlam saxlayır, həmçinin psoriaz, ekzema kimi dəri xəstəliklərinin də aradan qaldırılmasında kömək olur;

Çox insan keçirdiyi narahat həyat tərzinə görə batıq gözlər, gözaltı qara kölgələr problümindən  əziyyət çəkir. Lakin çoxlu maye qəbul etməklə bu problemlərin də aradan qalxmasına kömək etmək olar;

Su həmçinin dərinin vaxtından əvvəl qocalmağının qarşısını alır. Çoxlu su qəbul etmək dərinin nəmlənməsini balansda saxlayır;