Alopesiya - patoloji saç tökülməsi deməkdir. Xarici görünüşdə saç çox böyük rol oynadığı üçün məhz saçların tökülməsi insanları narahat edir. Adətən saç tökülməsi insanları kosmetoloji və psixoloji səbəblərdən narahat edir, lakin bu sistem xəstəliyinin bir əlaməti də ola bilər. Alopesiya saçların gündəlik tökülməsindən daha artıq, həm də kütləvi saç tökülməsidir. Alopesiyanın növləri müxtəlifdir, lakin daha çox rast gəlinənləri aşağıdakılardır:

Diffuz alopesiya saç inkişaf tsiklində problem olduğuna görə qadın və ya kişilərdə baş nahiyəsində saçların intensiv eyni dərəcədə tökülməsidir. Adətən bu zaman telogen mexanizm müşahidə olunur. Yəni saç inkişafı zamanı anagen (böyümə) fazadan çox sürətlə telogen (istirahət) fazaya keçid edir. Ən geniş yayılmış səbəblərə psixofiziki travmalar, stress, endokrin pozğunluq, gizli qanaxma, zülal və dəmirin bədəndəki defisitidir. Saçların tökülməsi faktorların təsirindən 60-80 gün sonra başlayır. Həddindən çox tökülmə isə ağır xəstəlikdən sonra, dəmir defisiti zamanı, natamam qidalanma və ya həddindən çox qidalanma, hamiləlikdən, kimyaterapiyadan sonra olur. Çox vaxt belə saç tökülməsini dayandırmaq və saçları bərpa etmək olur.

Ocaqlı alopesiya zamanı saçların tökülməsi spesifik formada baş verir. Adından da göründüyü kimi saçların tökülməsi ayrı-ayrı nahiyələrdə baş verir. Ocaqlı alopesiyanın kliniki formaları müəyyənləşib:

Ocaqlı alopesiya tək ocaqlı və ya çox ocaqlı;

Subtotal – uzun saçlar tökülür, yalnız incə tüklər qalır;

Total – başda olan bütün saçlar tökülür, həmçinin qaş, kirpik və saqqal;                

Universal – bütün dəri səthindəki tüklər tökülür;

Kənar alopesiya – uşaqlarda daha çox rast gəlinir, kənar zonalarda olan ocaqla xarakterizə olunur;

Əsas faktor stress faktorudur. Daha sonra fiziki travmalar, daxili orqanların kəskin xəstəlikləri və  infeksiyalardır. Bəzən irsi faktorlar da əsas götürülür.

Androgenetik alopesiya. Dihidrotestosteronun saç follikullarına təsiri nəticəsində alın və gicgah nahiyələrində saçların incəlməsi və seyrəlməsidir. Androgen asılı irsi xəstəlikdir. Yaş artdıqca alopesiyanın bu növü artır və 80 yaşdan yuxarı 70% kişilərdə (kişi tipi üzrə saç itirmə), 57% qadınlarda (qadın tipi üzrə saç itirmə). Neqroid irqinə nisbətən avropoid irqli insanlarda daha geniş yayılıb.

Çox az yayılmış səbəblərə isə saç gövdəsinin ilkin anomaliyası, autoimmun xəstəlikləri, ağır metallarla zəhərlənmələr, nadir dermotoloji xəstəliklər aiddir. Saç tökülmənin səbəbindən asılı olmayaraq, vaxtında trixoloqa müraciət etmək düzgün diaqnozun qoyulmasına və problemi həll etməkdə kömək olur.